Numri i të vdekurve nga sulmi i sotëm i bombardimeve në qytetin verior të Ukrainës, Chernihiv, ka arritur në 22. Lajmi është bërë me dije nga shërbimet e urgjencës ukrainase. Trupat e të paktën 22 civilëve janë nxjerrë nga rrënojat pas sulmeve ajrore ruse, ndërsa ende kërkohen të mbijetuar të tjerë.
Puna e ekipeve të shpëtimit po vazhdon, por nuk specifikuan se ku ndodhi saktësisht sulmi, ndërsa shtypi lokal raportoi se bëhej fjalë për disa shkolla, kopshte dhe një spital.
