Presidenti Joe Biden bëri një gafë gjatë fjalimit të tij për Gjendjen e Bashkimit mes krizës në Ukrainë, duke ngatërruar kombin që po përballet me pushtimin.
Biden, 79 vjeç, njeriu më i vjetër i zgjedhur ndonjëherë në presidencën e Shteteve të Bashkuara, po fliste për pushtimin e vazhdueshëm rus kur gaboi.
“Putini mund ta rrethojë Kievin me tanke, por ai kurrë nuk do të fitojë zemrat dhe shpirtrat e popullit iranian”, tha Biden.
Nga kjo frazë, ku u tha “iranian”, nënpresidentja Kamala Harris ka mbetur e shtangur. Ajo shihet në kamera teksa pëshpërit “ukrainas”.
Në rrjetet sociale u shpërnda masivisht kjo gafë e rëndë e bërë nga Biden. Presidenti amerikan edhe më herët ka bërë gafa të ngjashme.
