Ish-Kryeministri Sali Berisha ishte i pranishëm sot në takimin përmbyllës të fushatës së kandidatit të “Shtëpisë së Lirisë”, Hekuran Xhani, i cili garon për Kryebashkiak të Rrogozhinës.
Duke iu drejtuar të pranishmëve, kandidati Xhani tha se sot qytetarët kanë humbur shpresën dhe besimin, ndaj dhe në zgjedhjet e 6 marsit, qytetarët duhet të votojnë ndryshimin. Ai foli për punësimin dhe investimet, duke u shprehur se Bashkia duhet të heqë çdo barrierë që pengon hapjen e vendeve të reja të punës, por edhe thithjen e investimeve në Bashkinë e Rrogozhinës.
Ai tha se sot qytetarët nuk marrin shërbimet që meritojnë bazuar në taksat që paguajnë. Xhani premtoi uljen e taksave për biznesin dhe fermerët, ndërsa u shpreh se e rëndësishme është që të mirëadinistrohen taksat që mblidhen.”Le të kthejmë shpresën dhe besimin me 6 mars që e nesërmja do të jetë më e mirë se e sotmja”, tha kandidati i “Shtëpisë së Lirisë”.
Ish-Kryeministri Sali Berisha, i cili u konsiderua si arkitekt i pluralizmit shqiptar, duke iu drejtuar qytetarëve të Rrogozhinës. Berisha shprehu besimin se me 6 mars do të fitojë kandidati i “Shtëpisë së Lirisë”, pasi ai është një prej jush, shërbëtor i qytetarëve të Rrogozhinës dhe banorëve të ish-komunave. Berisha tha se vota e 6 marsit është mesazh shprese për shqiptarët, do të çelë dyert e zgjedhjeve të parakohshme, largimin me votën e lirë të Edi Ramës.
“Edi Rama është një qeveritar i babëzitur, e përdori pushtetin për tu pasuruar vetë. Afera e djegësave është vetëm një prej tyre, pasi të tjera afera do të dalin në dritën e diellit”, tha Berisha.
“
