Një marrëveshje është arritur mes trupave ukrainase dhe atyre ruse në rajonin Konotop, sipas raportimeve të mediave të Ukrainës.
Raportohet se kreu i administratës ushtarake rajonale, Dmytro Zhyvytskyi informoi lidhur me bisedimet me rusët në Konotop. Ai tha se u ra dakort që ushtria ruse premton të mos dërgojnë trupa në rajon.
“Biseda me rusët në Konotop të përfaqësuesit tim nga administrata ushtarake zgjati rreth 12 minuta. Unë isha në altoparlant gjatë bisedimeve. Marrëveshja është si më poshtë: Nuk bëhet fjalë për ndonjë ndryshim të qeverisë. Ata janë të interesuar për ligjin dhe rendin. Nuk do të ketë trupa. Flamuri ukrainas është në vend. Ka një marrëveshje që nuk do të gjuajmë kundër tyre dhe nuk do të ketë provokime të ndërsjella. Ata mbeten në pozicionet e tyre. Do të sigurohet kalim i papenguar i transportit dhe shërbimeve publike, autoambulanca, ushqime, mallra humanitare”, citohet Zhyvytskyi.
Ndërkohë, sipas raportimeve mediatike, në disa rajone të tjera të Ukrainës vijojnë luftime të ashpra.
