“Disney”, studio më e madhe dhe më me ndikim e filmit në Hollywood, po ndalon shfaqjen e filmave të saj teatrale në Rusi pas sulmeve ndaj Ukrainës.
“Duke pasur parasysh pushtimin e paprovokuar të Ukrainës dhe krizën tragjike humanitare, ne po ndalojmë shfaqjen e filmave teatrale në Rusi, duke përfshirë filmin e ardhshëm “Turning Red” nga Pixar.
Ne do të marrim vendime të ardhshme të biznesit bazuar në situatën në zhvillim”- tha një zëdhënës i “Disney”.
Disney kishte shumë filma të vendosur për t’u shfaqur në Rusi në muajt e ardhshëm. Kjo përfshin “Doctor Strange in the Multiverse of Madness” të Marvel më 5 maj dhe “Lightyear” të Pixar më 16 qershor sipas gazetarit Frank Pallotta të “CNN”.
