Raundi i dytë i bisedimeve mes delegacionit ukrainas dhe atij rus, pritet të zhvillohet mbrëmjen e sotme, ndërsa palët do të negociojnë në kufirin mes Ukrainës dhe Bjellorusisë.
Këshilltari i presidentit të Ukrainës, Oleksi Arstoviç, shprehet se edhe nga ky takim nuk pret të ndryshojë asgjë.
“Unë mendoj se gjërat do të mbeten të njëjta. Asgjë nuk do të ndryshojë. Ne do t’i qëndrojmë qëndrimit tonë’, deklaroi Aestoviç.
Ukrainasit pretendojnë se ka vrarë rreth 6 mijë ushtarë rusë në këtë luftë, ndërkohë që raportohet edhe për disa mijëra civilë të vrarë nga bombardimi me raketa i rusëve përgjatë ditëve të fundit.
