Viktor Janukoviç, ish-Presidenti i Ukrainës i larguar si rezultat i “revolucionit portokalli”, po projektohet nga Vladimir Putin, për tu rikthyer sërish në drejtimin e fqinjit Perëndimor të Rusisë.
Të paktën kështu raportojnë mediat ukrainase, që i referohen “burimeve nga inteligjenca ukrainase”.
Sipas të njëjtave burime, Presidenti i arratisur nga Ukraina në vitin 2014 Viktor Janukoviç, ndodhet aktualisht në Minsk dhe Kremlini po e përgatit atë “për një operacion special”.
Sipas një prej skenarëve, raportohet se Putin do të përpiqet ta shpallë atë “President të Ukrainës”.
Janukoviç, dikur President i Ukrainës ka pasur mbështetje të fortë nga Vladimir Putin. Ai u arratis nga vendi në vitin 2014 pas protestave masive disamujore gjatë së cilave u vranë mbi 100 ukrainas, të cilët ishin kundër qëndrimit të Janukoviç – i cili u afrua me Moskën dhe u largua nga BE.
