Presidenti ukrainas, Volodymyr Zelensky, i ka bërë thirrje Bashkimit Evropian që të dëshmojë se është në anën e Ukrainës, teksa ky shtet lufton me Rusinë. Ai i ka bërë këto deklarata një ditë pas kërkesës zyrtare që Ukraina t’i bashkohet bllokut evropian.
“Bashkimi Evropian do të jetë shumë i fuqishëm me ne, kjo është e sigurt. Pa ju, Ukraina do të jetë e vetme”, ka thënë Zelensky para Parlamentit Evropian përmes video-lidhjes. “Dëshmoni që jeni me ne. Dëshmoni që nuk do të na lini. Dëshmoni se jeni evropianë dhe që jeta do të fitojë ndaj vdekjes dhe drita do të fitojë ndaj errësirës. Lavdi Ukrainës”, ka thënë ai.
Presidenti i Ukrainës Volodymyr Zelensky u shpreh se ajo që po ndodh në vendin e tij është një tragjedi dhe ata po luftojnë për tokën, lirinë dhe jetën e tyre. Ai tha: “Askush nuk do të na thyejë, sepse ne jemi ukrainas”.
Ai gjithashtu tha se sulmet ruse kanë targetuar fëmijët ukrainas, me 16 të vdekur dje.
Skena emocionale në seancën e Parlamentit Evropian
Të martën në seancën e Parlamentit Evropian për luftën në Ukrainë, janë parë disa skena emocionale në hapje.
Disa ligjvënës kanë veshur bluza në mbështetje të Ukrainës.
Presidentja e Parlamentit Evropian, Roberta Mesola, ka falënderuar presidentin ukrainas, Volodymyr Zelensky që i është bashkuar takimit përmes video-lidhjes.
Mesola ka thënë se Parlamenti mirëpret aplikacionin e Ukrainës për t’u bërë pjesë anëtare e Bashkimit Evropian dhe do të punojë në jetësimin e kësaj çështjeje.
Kur Zelensky mori fjalën, pjestarët e parlamentit u ngritën në këmbë dhe e duartrokitën.
Standing ovations for Ukraine’s President @ZelenskyyUa in the European Parliament after his speech. Right now MEPs discuss Ukraine’s application for the EU membership #StandWithUkraine pic.twitter.com/8tXWW58pwl
— UkraineWorld (@ukraine_world) March 1, 2022
Seanca live
