Lulzim Basha po zhvillon takime me banorë të Vorës, në mbështetje të kandidatit për kryebashkiak, Ymer Marku, i cili kandidon në siglën e PD.
Basha tha se kandidati Marku nuk përkulet para presionit të askujt dhe puna e parë që do të bëjë është auditi i Bashkisë së Vorës.
“Votoni Ymer Markun, pasi ai është një nga ju, e keni njeriun tuaj, do e keni një mbështetje për veten dhe hallet tuaja”, tha Basha.
Ai u shpreh se gjëja e parë që duhet bërë është vendosja e drejtësisë, pasi këtu në këtë zonë, njerëzit kanë dy vjet në çadra dhe askush nuk i ndërton shtëpitë e shembura apo dëmtuara nga tërmeti.
“Duhet bërë auditi, për të parë se ku kanë shkuar taksat e qytetarëve. Gjurmët aty janë, i patë se çfarë ndodhi me inceneratorët, menduan se do fusnin në xhep 430 mln euro, por ne ia zbardhëm faktet një për një”, tha Basha. Sipas tij, PD nuk do të dorëzohet, ne do të ecim përpara
