Mijëra ushtarë rusë janë përpjekur të kapin qytetin e Mariupolit në juglindje të Ukrainës prej gati 1 jave.
Forcat ruse, të cilat kanë bombarduar në mënyrë intensive qytetin portual me 400-500 mijë banorë, u kanë ndërprerë energjinë elektrike qytetarëve të Mariupolit.
Lideri i separatistëve pro-rusë në Donetsk Denis Pushilin tha se luftëtarët e tij po përpiqen të rrethojnë qytetin, megjithëse me shumë mundësi këto forca i përkasin ushtrisë ruse.
Beteja po vazhdon këtu sepse Mariupoli përfaqëson një pikë strategjike në Detin Azov, duke i ndarë forcat ruse në Gadishullin e Krimesë nga trupat separatiste në Lindje të Ukrainës.
Rusia është përpjekur të organizojë një zbritje të forcave ruse nga deti në këtë rajon prej disa ditësh duke arritur pak sukses, por nëse Moska mund të kapë Mariupolin, atëherë mund të ndërtojë një urë ndërlidhëse mes forcave të saj në juglindje të Ukrainës dhe Krimesë.
Ndoshta, me më shumë rëndësi, qyteti është gjithashtu një port i madh. Në kohë normale, anijet eksportojnë drithëra anembanë botës, por nëse kapet qyteti, kjo do ta lejojë Rusinë të drejtojë operacionet logjistike nga terreni teksa një numri të madh të tankeve u ka mbaruar nafta në autostradat ukrainase.
Burimi: BBC
