Shtëpia e Bardhë i përgjigjet ftohtë propozimit të presidentit ukrainas, Volodymyr Zelensky, për mbyllje të hapësirës ajrore për fluturimet e Rusisë mbi territorin e Ukrainës.
Zyrtarët amerikanë thanë se përfshirja e SHBA-ve në një lëvizje të tillë do të ishte e barabartë me nisjen e një lufte të drejtpërdrejtë me Moskën, të cilin Uashingtoni nuk e dëshiron.
Zëdhënësja e Shtëpisë së Bardhë, Jen Psaki u tha gazetarëve se zbatimi i ndalim-fluturimit kërkon vendosje të ushtrisë amerikane.
“Mbyllja e hapësirës ajrore do të kërkonte vendosjen e ushtrisë amerikane për ta zbatuar, e cila do të ishte…potencialisht një konflikt i drejtpërdrejtë dhe potencialisht një luftë me Rusinë, gjë që nuk po planifikojmë ta bëjmë”, tha ajo.
