Një raund tjetër bisedimesh midis delegacioneve ruse dhe ukrainase raportohet se është planifikuar për më 2 mars. Lajmi raportohet nga media shtetërore ruse “tass”, që i referohet medias ukrainase “Zerkalo Nedeli”.
“Një tjetër media ukrainase, ‘Glavkom’, duke cituar burime në delegacionin ukrainas, zbuloi kushtet e kërkuara nga palët gjatë takimit të parë. Ajo raporton se Rusia i kërkoi Ukrainës të angazhohej për të dokumentuar statusin e saj jashtë bllokut në nivel parlamentar dhe për të organizuar një referendum për këtë çështje. Përveç kësaj, pala ruse kërkoi nga Ukraina të njohë Republikat Popullore të Donetskut dhe Luganskut në kufijtë administrativë të rajoneve përkatëse dhe të heqë dorë nga kërkesa që Krimea t’i kthehet Ukrainës. Ukraina, sipas Glavkom, kërkoi një armëpushim dhe tërheqje të trupave ruse nga territori i saj”, raporton “tass”.
Bisedimet e para ruso-ukrainase u mbajtën të Hënën.
Sekretari i shtypit i Kremlinit Dmitry Peskov, tha sot se Presidenti rus Vladimir Putin është informuar për rezultatin e bisedimeve Rusi-Ukrainë të Hënën dhe do të ishte e parakohshme për t’i vlerësuar ato për momentin.
