Presidenti rus, Vladimir Putin e nënvlerësoi qartë rolin e Evropës përpara sulmit në Ukrainë, deklaroi kryeministrit italian Mario Draghi.
“Ndoshta Putini na kishte konsideruar të pafuqishëm, të ndarë ose të dehur nga pasuria jonë. Ai gaboi. Ne ishim dhe jemi gati të përgjigjemi dhe të luftojmë’’, theksoi Draghi gjatë një fjalimi në Senat.
Kryeministri 74-vjeçar vlerësoi veprimin e unifikuar të Bashkimit Evropian pas sulmit në Kiev.
“Përgjigja e Evropës ka qenë e shpejtë, konsistente, e fortë dhe mbi të gjitha e bashkuar. Ne nuk po e bëjmë këtë sepse po ndjekim ekspansionizëm agresiv, por për të mbrojtur vlerat tona”, shtoi ai.
“Nevojitet dialog për të arritur paqen. Por, kam parandjenjën se nuk ka ardhur ende koha”, shtoi ai duke iu referuar refuzimit të Putinit për t’u përfshirë në bisedime serioze për paqen.
