Ish-Kryeministri Sali Berisha, gjatë një takimi me banorë të Xhafzotajt, ku kërkoi mbështetje për kandidatin e “Shtëpisë së Lirisë”, Ardian Muka, ka hedhur akuza të forta në drejtim të Vangjush Dakos dhe Luan Hotit, i cili garon për kryebashkiak me siglën e PD së Lulzim Bashës.
Berisha theksoi se Vangjush Dako e ka Dubain sikundër banorët e Xhafzotajt kanë Shijakun. Ai shtoi se Edi Rama gllabëroi truallin në Portin e Durrësit.
“Durrësi sot nuk është bërë qytet më i mirë, por rinia ikën përditë nga qyteti. Punëtorët kanë ikur, rrugicat nuk janë shtruar. Gjushi e ka Dubain siç e keni ju Shijakun, këta ndërtojnë vila mbi mozaikë. Rama do të përvetësojë truallin në Portin e Durrësit, u paraqit me arab, arabin e mori deti e u zhduk, pas një viti nuk ka arab, por shkojnë paratë në off shore. Basha nuk flet, sepse arabi para se të zhdukej në det, mori për menaxher një njeri afër Lulzim Bravës.
Vota për ndryshim është thirrje për ndërgjegje, për çdo qytetar të Durrësit, që të votojë ndryshimin. Sako nuk duhet të kandidonte. Sako ka ndarë disa të nënës e disa të njerkës, disa socialistë e disa demokratë. Zonja Sako është anëtare e klubit të djegësave. Klubi i djegësve është paditur në Prokurori si organizatë kriminale e strukturuar. Lefter Koka ishte hajdut i dobishëm, por jo kryesori, i thonë do bësh tender për djegësin e Elbasanin, gjen kompaninë pa procedura pa gjë, gjen njeriun e vet një Zoto. Janë përfituar miliona euro në hidrocentrale. Sako ka dhënë 10 milionë euro për qeveritarët, për minierën e arit në Sharrë”, deklaroi Berisha.
Në vijim, Berisha theksoi se Luan Hoti është monopolist e gjakpirës e se qytetarët duhet të mos japin asnjë votë për të.
“”Kandidati tjetër, Luan Hoti ka monopolin, është monopolist. Gjakpirës janë vetëm biznesmenët monopolistë, biznesmeni jo monopolist nuk është gjakpirës, ai krijon pasurinë me mundin, djersën, mendjen dhe muskujt e tij. Kurse monopolisti duke patur mbështetjen anti-ligjore të anti-shtetit. Monopolet janë të ndaluara me ligj. Monopoliste është Vilma Nushi që merr, fiton dhe ndan para me Edi Ramën për check up-in. Monopolist na del edhe Luan Hoti i cili ka shërbimet ndaj anijeve nga Saranda në Shëngjin. Luan, jo vetëm që nuk meriton, por ti as në PD nuk mund të jesh monopolist. Ne jemi parti anti-monopol, jemi parti e konkurrencës së lirë, e garës së hapur. Nga dole ti kështu? Ti ke qenë kontrabandë gjithë këto vite në parti. Dhe nuk është e rastit tani, kush po ia bën fushatën? Spartak Braho, po. Gjushi në njërën anë, Spartaku në anën tjetër. Asnjë votë kandidatit monopolist të Lul Bravës”, deklaroi Berisha.
