Presidenti i Ukrainës, Volodymyr Zelensky i bëri thirrje Bashkimit Evropian që të pranojë Ukrainën sipas një procedure të veçantë.
“Ne i bëjmë thirrje Bashkimit Evropian për pranimin e menjëhershëm të Ukrainës sipas një procedure të re speciale”, citohet Zelensky nga mediat ukrainase.
Ai deklaroi se Ukraina është mirënjohëse ndaj partnerëve të saj, por shtoi se “qëllimi ynë është që të jemi bashkë në kushte të barabarta”.
Zelensky e ka kërkuar integrimin e përshpejtuar në BE edhe të Shtunën.
Ditën e djeshme, shefja e BE-së Ursula von der Leyen tha se Ukraina është “një prej nesh dhe ne i duam ata në Bashkimin Evropian”. Por, ajo nuk dha detaje nëse do të kryhej pranimi i shpejtë i kërkuar nga Presidenti Volodymyr Zelenskyy.
