Një video me akuzat mes Jozefina Topallit dhe Ilir Metës, që i përket të paktën 6 viteve më parë, është shfrytëzuar nga Lulzim Basha për të sulmuar ish-Kryeparlamentaren dhe Presidentin.
Në një video të publikuar në faqen zyrtare të PD në rrjetin social, Topalli etikohet si “moldavja e Metës”, ndërsa ky i fundit “cilësohet si mafie”.
“Sot kërkon vota e demokratëve për partinë e tij, por Metën e quan mafie.
Demokratët dhe shkodranët nuk gënjehen nga mashtrimet e mafias, apo non grateve që duan ta përdorin Shkodrën për hallet e tyre.
Shkodranët në 6 mars do të vendosin nëse do ta lënë bashkinë në administrim të TOM DOSHIT apo do të refuzojnë non gratat.
Demokratët në 6 mars do të vendosin nëse do ta kenë bashkinë në administrim të LSI, mafias siç e quan zonja që sot urren PD.
Zgjedhja s’ka qenë kurrë më e qartë:
Kandidatët e non gratave apo birin e tyre Xhemal Bushatin! Partinë e non-gratave, apo Partine Demokratike të Shqipërisë! Aleancën me SHBA, apo aleancën e non gratave!
Kush zgjedh partinë e re të Metes dhe Berishës, mban në pushtet Ramën, kush zgjedh Ramën, mban Metën dhe Berishën”, thuhet në postimin e PD.
