Shefi i diplomacisë në Bashkimin Evropian, Josep Borrell, ka thënë se fushata ushtarake ruse “po bëhet gjithnjë më e pamëshirshme”.
Borrell u ka thënë gazetarëve se forcat e armatosura ukrainase janë duke luftuar me kurajë, mirëpo shumë civilë kanë humbur jetën.
Duke marrë parasysh luftimet, ai ka thënë se më shumë njerëz po ikin jashtë kufijve.
“Në këtë situatë, mbështetja jonë për forcat e armatosura ukrainase është shumë e rëndësishme”, ka thënë Borrell, pas takimit që kanë zhvilluar zyrtarë të BE-së në Bruksel.
Kujtojme që sot palët zhvilluan diskutime ne Bjellorusi. Mykhailo Podoliyak, këshilltar i presidentit ukrainas, Volodymyr Zelenski ka thënë pas takimet se negociatat janë të vështira, por pa ndonjë ultimatum detyrues.
“Fatkeqësisht, pala ruse është ende tejet e njëanshme sa i përket procesit shkatërrues që ka nisur”, tha ai.
