Kryetarja e LSI-së Monika Kryemadhi tha mbrëmjen e sotme në emisionin “5 Pyetjet nga Babaramo” se koalicioni “Shtëpia e Lirisë”, do të fitojë katër bashki dhe sipas saj, Shkodra nuk diskutohet.
“Ne mbështesim kandidatët e grupit të Rithemelimit të PD-së së vërtetë. Të paktën, kandidatët e Shtëpisë së Lirisë, janë kandidatë që kanë treguar një kulturë të jashtëzakonshme politike.
Shkodra është e padiskutueshme për të fituar, Dibra po ashtu ka shanset maksimale, edhe pse është fisi im, por s’e kam takuar asnjëherë. Do ta takoj këtë javë. Jeton në Dibër Premtim Kryemadhi. Në Lushnje Elton Bano është goxha djalë elokuent dhe familje e lidhur me PD-në.
Në Durrës, për aq sa e njoh ka një energji pozitive dhe përkrahje të jashtëzakonshme. Nuk po merrem me Rrogozhinën dhe Vorën, por këto 4 janë fituese për mua. Tani do të turret qeveria me çantat me paratë e inceneratorëve, por edhe kërcënime”, tha ajo.
