Katër ushtarë ruse raportohet se u dorëzuan te forcat ukrainase pas një beteje dhe treguan detaje të pjesëmarrjes së tyre në sulmin rus në Ukrainë.
Sipas mediave ukrainase, ata pretendojnë se janë ushtarë të Regjimentit të 33-të nga rajoni i Volgogradit.
Ushtarër raportohet se u mundën në betejë në kufirin mes rajoneve Mykolayiv dhe Kherson.
Ushtarët dëshmuan te autoritetet ukrainase se u ishte thënë se do të merrnin pjesë vetëm në stërvitje ushtarake, por më pas komanda ruse u tha të fillonin një ofensivë në Ukrainë.
Ata thane se nuk i dinin qëllimet e udhëheqjes së tyre dhe u befasuan kur kuptuan gjatë betejës në rajonin Kherson se ata ishin zbarkuar në Ukrainë.
Policia ukrainase raportohet se ka konfiskuar dokumentet e tyre.
