Suedia njoftoi të dielen se do të dërgojë pajisje ushtarake dhe ndihma të tjera në Ukrainë.
Kryeministrja Magdalena Andersson tha se është hera e parë që Suedia po dërgon armë në një vend që ndodhet në konflikt, që nga pushtimi sovjetik i Finlandës në 1939.
Ajo tha se dërgesat përfshijnë 5,000 lëshues antitank me përdorim të vetëm, 5,000 parzmore dhe 5,000 helmeta, si dhe 135,000 pako ushqimore.
Ky njoftim vjen pasi Bashkimi Evropian njoftoi se do të furnizonte Ukrainën me armë, duke shënuar herën e parë në histori që BE ndërmerr një hap të tillë.
