Deputeti Tritan Shehu, anëtar i Komisionit të Rithemelimit të PD, e quan Gazment Bardhin si një patericë të Edi Ramës.
Reagimi i Shehut ka ardhur pasi KQZ kërkoi nga Prokuroria e Përgjithshme një hetim të thellur ndaj kandidatit të “Shtëpia e Lirisë” për Bashkinë e Lushnjes, Elton Bano, bazuar në një kërkesë të firmosur nga Gazment Bardhi, i cili pretendon se Bano ka fshehur një dënim për vjedhje në Britaninë e Madhe.
“Bardhi kërkon të pengojë fitoren tashmë të sigurtë të demokratëve në Lushnje, duke hedhur një “tymuese”. Ai tenton kështu të fshehë atë që duket qartë, humbjen e Ramës në atë bashki, fitoren e Banos, fitoren e demokratëve dhe të lushnjarëve.
Turp për atë, turp për “kandidatin” e tij pa asnjë mbështetje aty, që po lejon të keqpërdoret deri në këtë pikë, për tja dorëzuar këtë Bashki përsëri atyre, që për vite vecse i bënë gjëmen.
Turp dhe për socialistët, që kërkojnë t’i shpëtojnë disfatës se pashmangshme, nëpërmjet “patericës” Bardhi dhe “ sektit të bravës”., shkruan Tritan Shehu.
