Kampioni botëror i peshave të rënda në boks, Oleksandr Usyk është kthyer në Ukrainë për të luftuar për mbrojtjen e atdheut të tij nëse do të jetë e nevojshme.
Ndërkohë që lufta dhe shkëmbimi i zjarrit vazhdon herë pas here, Usyk i ka dërguar një mesazh të fuqishëm presidentit rus Vladimir Putin.
Mirëmëngjes! Unë jam Oleksandr Usyk. Dua t’i bëj thirrje popullit të Rusisë, nëse na konsideroni vëllezër, mos lejoni që ushtria juaj, fëmijët tuaj të vijnë në vendin tonë. Ndaloni së sulmuari! I bëj thirrje edhe presidentit Putin. Ndalojeni këtë luftë! Mos na jepni ultimatume dhe mos deklaroni kushtet tuaja, thjesht uluni në tryezën e bisedimeve. Duhet të flasim dhe të ndalojmë gjithçka. Fëmijët tanë, nënat tona, gjyshet tona dhe njerëzit e thjeshtë janë fshehur në bodrume. Jemi në tokën tonë, veprojmë si duhet. Ne po mbrohemi. Ndalojeni këtë luftë!
