Lulzim Basha, gjatë një takimi me ato që i konsideron si strukturat e degës nr 12 të PD në Tiranë, iu rikthye deklaratave për betejën me Edi Ramën dhe ata që i cilëson si bashkëpunëtorët e tij, ish-Kryeministrin Sali Berisha, Presidentin Ilir Meta dhe kryetaren e LSI, Monika Kryemadhi.
Ndonëse nuk i ka përmendur si emra, Basha tha se në këtë pike te betejës dy gjëra kane rëndësi: qartësia që vjen nga te menduarit qartë dhe vendosmëria.
“Kur ke përpara faktet, te vërtetat, kur i ke te qarta argumentet, mjafton te vendosesh mendjen ne pune. Ndaj një pjesë e atyre qe nuk i takojnë asaj kategorie qe i shtrydhin deri në pikën e fundit mushtin dhe donte ta hidhte PD dhe strukturat e PD, si bërsi tutje. Dhe qe edhe ne kohen e opozitës kane vazhduar pareshtur përfitimet, ne bashkëpunim me pushtetin aktual, ata apo një pjese tjetër qe nuk ka arritur dot te mendoje me mend por është tradhtuar nga ngjarjet është detyra jone dite pas dite, jave pas jave tu qëndrojmë afër dhe tu bëjmë te kuptojmë qe për PD nuk ka rruge tjetër, qe te qëndrojë e forte, e madhe dhe alternativa qeverisëse e vendit që të mund të zgjedhë të ardhmen”, tha Basha.
Ai tha se për çështje identitare ne jemi të bashkuar.
“Për qëndrimin ndaj komunizmit nuk mund të ketë dy qëndrime në Partinë Demokratike. Njësoj edhe për qëndrimin euroatlantik, nuk mund të ketë dy qëndrime.
Ndaj për ta mbyllur, jemi në një moment vendimtar, dhe momentet vendimtare, vijnë edhe me dhimbje edhe me vështirësi, nuk janë të lehta. Dhe kjo betejë e provoi që nuk është një betejë e lehtë. Nuk është e para. Kemi kaluar vështirësi të mëdha. Shumë prej jush e mbani mend, një nga krizat më të mëdha që kemi kaluar para kësaj, ka qenë ajo e vitit 1997. Por për sa kohë e ruajmë vendosmërinë, qartësinë, por ama edhe vlerën elementare të kësaj partie, ku demokratët janë të gjithë anëtarë të barabartë të kësaj partie. Askush si mbivendoset askujt.
Përgjegjësitë janë të ndryshme. Po. Kryetari që zgjidhni me një anëtar një votë ka disa përgjegjësi dhe po si mbajti ato përgjegjësi, s’po bën detyrën. Po as kryetari dhe askush tjetër nuk mund ti mbivendosët dinjitetit të askujt prej jush. As duke sharë, as duke i fyer, as duke i shpifur, sepse nuk I pëlqen mendimi ndryshe që ka. Nuk ka të tillë, pse? Sepse Partia Demokratike nuk është pronë e askujt dhe nuk duhet të jetë pronë e askujt. Sepse ndoshta ka pasur momente, ndoshta edhe në këtë zonë që është dukur si pronë e dikujt. Jo. Ne e duam pronën private, ne e mbrojmë pronën private, ne nuk kemi bërë mjaftueshëm për pronën private, nuk kemi bërë mjaftueshëm për pronarët që prona të shkojë tek I zoti, që haka të shkojë tek I zoti, por Partia Demokratike nuk është pronë private dhe nuk do të jetë kurrë pronë private. Është pasuri e demokratëve, është pasuri e të gjithë shqiptarëve”, tha Basha.
