Pas Fierit, Vlorës e Elbasanit, policia ka blinduar edhe Beratin, në kuadrin e një plani masash për kapjen e personave të shpallur në kërkim.
Nga raportimet mësohet se në Berat janë ngritur postblloqe të shumta në hyrje e dalje të Qarkut. Pika të shumta kontrolli janë ngritur në çdo hyrje e dalje të qyteteve Berat, Kuçovë, Dimal, Poliçan e Skrapar.
Burimet policore bëjnë me dije se, kontrollet e ndërmarra sot kanë si qëllim parandalimin e ngjarjeve kriminale, kapjen e personave në kërkim si dhe për rritjen e sigurisë rrugore.
Në të gjitha automjetet që janë ndaluar në këto postblloqe janë bërë kontrolle të imtësishme për drogë e armë, ndërkohë që janë kontrolluar edhe personat që drejtonin automjetetet, për tu verifikuar nëse janë persona në kërkim në Berat apo në qytete të tjera të vendit. Kontrollet policore nuk janë përqendruar vetëm në rrugët e qytetit, por edhe në baret e lokalet, që dyshohen për ushtrimin e veprimtarive të paligjshme.
