Lulzim Basha ka zhvilluar sot një takim me të rinjtë dhe të rejat në Durrës, në mbështetje të kandidatit për kryebashkiak, Luan Hoti, i cili garon në siglën e PD.
Basha ka postuar në rrjetin social foto nga takimi, ndërsa shkruan se “modeli ynë ka në qendër rininë, energjinë, ëndrrat dhe aspirat e tyre”.
“Sot, rinia e mbledhur në mbështetje të kandidatit të PD, Luan Hoti, tregon se ka shpresë, se rinia kërkon, beson dhe do ndryshimin.
Në 6 mars, rinia durrsake do votojë Partinë Demokratike dhe Luan Hotin, sepse është ai që do të sjellë një model të ri politik, që nuk e ka mendjen te karrigia, por te qytetarët, për t’u krijuar mundësi të rinjëve pa dallime.
Sepse modeli ynë ka në qendër rininë, energjinë, ëndrrat dhe aspiratat e tyre. Larg modelit të vjetër, i cili është gati bëjë gjithçka për të qëndruar i mbërthyer pas karriges.
Misioni i jetës time politike është që rinia të marrë në dorë fatin e Shqipërisë”, shkruan Basha.
