Kryeministri Edi Rama deklaroi pasditen e sotme se lufta Rusi-Ukrainë nuk do të ketë një ndikim shumë të madh në Shqipëri. Rama tha se kjo që po ndodh është një luftë reale, nuk është film, është një luftë që ndodh në dyert e Bashkimit Europian.
“Ne jemi zotuar që të bëjmë çmos për të mbajtur nën kontroll çmimin e energjisë sepse jemi të vetëdijshëm për efektin psikologjik që sjell në tërësi sidomosd për familjarët dhe biznesin e vogël. Për këtë kemi bërë edhe një ndryshim të të gjithë skemës të trajtimit të eksportit dhe importit të energjisë. Deri tani kemi arritur t’ja dalim por me një sforco shumë të madhe”, tha Rama.
Ai tha se kishte paralajmëruar muaj më parë atë që po vinte lidhur me krizën e energjisë, duke shtuar se Shqipëria nuk e ka prodhuar vetë asnjë ditë të gjithë energjinë e nevojshme.
Kryeministri Edi Rama pas samitit të jashtëzakonshëm të NATO-s:
Ne i ndjekim me shumë keqardhje këto zhvillime duke pasur në zemër dhe mendje realisht njerëzit në Ukrainë ashtu sikundër edhe lidershipin e Ukrainës që kërcënohet për vetë jetën. Nuk e di a e ndoqët gjatë ditës presidentin Zelensky tanimë i veshur me uniformë ushtarake në fushën e luftës apo edhe ish presidentin i cili gjendej i armatosur në një nga lagjet e Kievit. Është një situatë realisht tragjike por nga ana tjetër është një zhvillim i cili ka sfiduar të gjithë arkitekturën e sigurisë në Europë dhe të gjithë ngrehinën institucionale të politikës ndërkombëtare duke goditur themelin e saj “Të Drejtën Ndërkombëtare’ dhe ligjin ndërkombëtar. Sot në Samit ka pasur një komunikim intensiv që kemi pasur gjatë këtyre ditëve dhe netëve.
Ndërkohë që mua mu duk e udhës të zhvillonim këtë konferencë të jashtëzakonshme për të folur pak më shumë për ndikimet e kësaj lufte mbi Shqipërinë e cila ndryshe nga shumë vende të tjera të NATO-s nuk ka shumë kontakte ekonomike apo tregtare me Rusinë por sidoqoftë nuk është krejt pa lidhje që të merren masa. Sot është më e qartë sesa dje ajo që ka filluar të ngelet muaj më parë, me krizën e inxhinierëve të energjisë, me rritjen eksponenciale të çmimeve të gazit në bursat ndërkombëtare. Kjo gjë i ka pararendur këtij momenti si një erë drithëruese në shpinën e shteteve ku ndërkohë ka një valë të inflacionit të shoqëruar me rritjen e çmimeve në tërësi si një pasojë e drejtëpërdrejtë të rikthimit të jetës ekonomike pas mbylljes dhe shtërngimit të madh nga pandemia.
Ne jemi i vetmi vend apo me ndonjë përjashtim, që nuk e kemi prekur çmimin e energjisë. Në të gjithat komunikimet që unë kam pasur me kolegët në vigjilje të këtij takimi çështja themelore ka qenë pikërisht rritja e çmimeve të energjisë që në vendet fqinje ka ndikuar shumë fort në faturën e shpenzimeve të konsumatorëve familjarë.
Ne jemi zotuar që të bëjmë çmos për të mbajtur nën kontroll çmimin e energjisë sepse jemi të vetëdijshëm për efektin psikologjik që sjell në tërësi sidomosd për familjarët dhe biznesin e vogël. Për këtë kemi bërë edhe një ndryshim të të gjithë skemës të trajtimit të eksportit dhe importit të energjisë. Deri tani kemi arritur t’ja dalim por me një sforco shumë të madhe.
