Teksa trupat ruse po i afrohen Kievit, në media janë publikuar pamje që tregojnë shtëllunga tymi të zi në kryeqytet.
BBC që ka publikuar pamjet raporton se imazhet janë nga qendra e Kievit.
Tymi i zi u pa që ngrihej në anën lindore të lumit Dnipro në kryeqytetin e Ukrainës.
Ndërkohë, Presidenti rus Vladimir Putin po mban një fjalëim dhe duket se po u bën thirrje ushtarakëve ukrainas të kthehen kundër qeverisë së tyre, raporton BBC.
Automjetet ushtarake ukrainase po hyjnë në Kiev për ta mbrojtur atë nga afrimi i trupave ruse, njoftoi më herët Ministria e Brendshme e Ukrainës.
Kryetari i bashkisë së Kievit, Vitali Klitschko tha se qyteti kishte “hyrë në një fazë mbrojtëse”.
Qeveria po i bën thirrje popullit të Kievit që të bëjë gjithçka që mundet për t’i rezistuar trupave ruse, duke përfshirë prodhimin e koktejve molotov dhe marrjen e armëve.
