Monika Kryemadhi, Kryetare e LSI, tha mbrëmjen e sotme në emisionin “Zonë e Lirë” se të gjitha skemat e koncensioneve në Shqipëri janë të ngjashme me atë të inceneratorëve.
Kryemadhi, duke komentuar zhvillimet më të fundit ku Rusia ka sulmuar Ukrainën, tha se Shqipëria po sillet si superfuqi, në një kohë që askush nuk flet nëse janë furnizimet e nevojshme me ushqime.
“Ne pothuajse 100 % të produketeve të miellit dhe grurit, apo edhe qumështin e marrim nga Serbia, sepse këtu i shkatërruan fermat. Serbia është në krah të Rusisë, ne jemi kundër Rusisë, lufta është në derë, atëherë a kemi ne furnizimet e nevojshme me produktet ushqimore? Askush nuk flet për këtë çështje”, tha Kryemadhi.
