Rusia mund të përdorë një super-armë, mjaft të fuqishme që është e aftë të bëjë që trupat e njerëzve “të avullojnë”. Ky ishte paralajmërimi i disa zyrtarëve perëndimorë mbrëmjen e së premtes.
Daily Mail shkruan se ata kanë frikë se Vladimir Putin mund të përdorë një armë termobarike me fuqi të lartë, të quajtur “babai i të gjitha bombave” nëse ukrainasit guximtarë u rezistojnë përpjekjeve të tij për të marrë kontrollin e Kievit.
Ekzistojnë gjithashtu shqetësime se njësitë ruse, që duket se po u skadojnë afatet e vëna nga Kremlini pasi po ndeshen me luftime të ashpra mund të përdorin granatime pa dallim ndaj popullatës.
Armët termobarike, të njohura gjithashtu si bomba me vakum janë eksplozivë me fuqi të lartë që përdorin vetë atmosferën si pjesë të shpërthimit. Ato janë ndër armët më të fuqishme jo-bërthamore të zhvilluara ndonjëherë.
Një bombë termobarike e hedhur nga SHBA mbi talebanët në Afganistan në vitin 2017 peshonte 21 600 paund dhe la një krater me më shumë se 300 metra të gjerë pasi shpërtheu.
Armët termobarike u zhvilluan si nga SHBA ashtu edhe nga Bashkimi Sovjetik në vitet 1960. Në shtator 2007, Rusia shpërtheu armën më të madhe termobarike të krijuar ndonjëherë, e cila krijoi një shpërthim të barabartë me 39.9 tonë.
Versioni amerikan i armës thuhet se kushton mbi 16 milionë dollarë secila.
“Frika ime do të ishte se nëse ata nuk i përmbushin afatet kohore dhe objektivat e tyre. Rusët nuk u përmbahen të njëjtave parime të domosdoshmërisë, proporcionalitetit dhe sundimit të ligjit që zbatojnë forcat perëndimore” – citohet zyrtari për Daily Mail.
Bomba termobarike funksionon duke përdorur oksigjenin nga ajri përreth për të gjeneruar një shpërthim me temperaturë të lartë, duke e bërë atë shumë më vdekjeprurëse se një armë konvencionale.
Forcat speciale ruse kanë arritur në periferi të Kievit ndërsa pjesa më e madhe e armatës së rëndë ruse besohet të jetë akoma më shumë se 50 km larg kryeqytetit.
Zyrtarët perëndimorë kanë sugjeruar se Rusia do të vrasë presidentin ukrainas Volodymyr Zelensky dhe ministrat e tij nëse ata kapin Kievin.
Rusia po fillon një sulm masiv amfib për të sjellë mijëra personel të marinës në Ukrainë pasi Kievi bëri një mbrojtje më agresive sesa priste Moska.
SHBA ka numëruar 200 sulme raketore ruse deri më tani. Ndërsa shumica janë nisur drejt instalimeve ushtarake ukrainase ndërsa disa kanë goditur zonat civile. ©LAPSI.al
