Kryeministri Edi Rama u pyet sot nëse mendonte se Presidenti ukrainas u la në baltë nga komuniteti ndërkombëtar, ndërsa u shpreh se gjërat po vijnë në mënyrë të tillë që edhe këto diskutime do të bëhen.
“Nuk është koha për ti hyrë këtyre diskutimeve, pasi është një moment tragjik. Presidenti i zgjedhur demokratikisht i Ukrainës është në një rrezik për jetën, pasi pjesë e operacionit është edhe ajo që “të zgjedhurit demokratikisht duhen dorëzuar pa kushte ose duhen vrarë”, tha Rama.
Ai solli në vëmendje tërheqjen e trupave nga Afganistani, për të cilën tha se sërisht do të ketë diskutime.
