Me urdhër të Prokurorisë së Tiranës, policia ka finalizuar operacionin e koduar “Lastra”, ku u arrestua një shtetas nga Kameruni, me banim në Paris.
Sipas një njoftimi zyrtar, shtetasi i arrestuar është Zindine Fongue Nkeh i dt.14.09.1978 lindur Mambe, Kamerun dhe banues në Paris, shteti Francë, me shtetësi dhe kombësi Kameruni. Ky shtetas dyshohet se ka bashkëpunuar me Jose Ngankam, i cili u arrestua ditë më parë në Rinas, pasi tentoi të fusë në Shqipëri një sasi prej 1 mln euro të falsifikuara.
Gjithashtu është shpallur në kërkim një shtetas, për të cilin nuk mund të bëhen me dije të dhënat në këtë fazë të hetimit.
Hetimet lidhur me këtë çështje janë drejtuar nga Prokuroria e Tiranës, ndërsa për zbulimin e rrjetit janë përdorur metoda speciale për hetimin.
Theksojmë se këta dy shtetas në bashkëpunim me njëri tjetrin kanë tentuar të fusin në qarkullim në territorin e republikës së Shqipërisë rreth 1 miljon Euro, kartmonedha të cilat i janë sekuestruar shtetasit Jose Ngankam.
Sa më sipër materialet i kaluan Prokurorisë Rrethit Gjyqësor Tiranë për veprën penale të parashikuar nga neni “Fallsifikimi Monedhave ” parashikuar nga neni 183/2 i K.Penal.
