Arbër Hajdari, i ftuar në emisionin “Goca dhe Gra”, u pyet se sa e kishte rrogën si opinionist në “Big Brother VIP Albania”.
“Në Big Brother nuk jam paguar sepse e kam bërë për qejf atë eksperiencë, jo për lekë. Kurse rrogë mujore unë marr 700 euro”- është shprehur Arbri.
Një nga moderatoret e programit, Dalina Buzi ka bërë një batutë pas përgjigjes së tij duke u shprehur se do t’i paguajë kafen meqë paska nja rrogë të tillë. Por, sërish Arbri ka ngulur këmbë se paguhet vetëm 700 euro dhe ai del më së miri me to.
Mesa duket, Arbri nuk është treguar i sinqertë pasi në listën e pagave të prillit të vitit 2021 figuron me më shumë të ardhura.
Me tre burime të ardhurash, Arbri nuk mund ta ketë pagesën mujore 700 euro pasi vetëm nga puna e tij si sekretar ekzekutiv në “Fundjava Ndryshe” ai paguhet rreth 1.6 mln lekë të vjetra. Referuar të dhënave të rrjedhura të pagave për muajin Prill 2021, Hajdari po ashtu rezulton se paguhet edhe rreth 640 mijë Lekë të vjetra nga një fermë dhe një media online.
