U luajtën duke startuar nga ora 18:45, pesë sfidat e kthimit të vlefshme për fazën e 1/16-ave, të Ligës së Konferencës, teksa 5 skuadra arritën të siguronin një biletë për në raundin pasardhës, ndërkohë që objektivi duket finalja e madhe që do të zhvillohet në “Air Albania”.
Bodo/Glimt, PSV, Partizani i Beogradit, Marseja dhe Lestër do të vijojnë rrugëtimin. Plot 14 gola u regjistruan në 5 takimet e para të kthimit të zhvilluar ditën e sotme.
Spikasin fitoret në transfertë të Marsejës dhe Lestërit, ndërkohë që Partizani i Beogradit dhe Bodo/Glimt nuk falën në shtëpi. Sfida e vetme e mbyllur në barazim ishte ajo mes Makabit të Tel Aviv dhe PSV-së.
