Presidenti i Bjellorusisë, Alexander Lukashenko deklaroi për mediat se trupat bjellorusi nuk janë aktualisht të përfshira në sulmin rus ndaj Ukrainës.
Por, shtoi ai, nëse kjo gjë do të jetë e nevojshme, atëherë mund të ndodhë.
Kujtojmë që më herët, Rusia përdori dhe kufirin bjellorus për të futur ushtrinë e saj në Ukrainë, e cila qëndronte në pozicion gatishmërie prej disa javësh.
“Po e përsëris sërish. Trupat tona nuk janë atje. Por nëse është e nevojshme për Bjellorusinë dhe Rusinë ato do të jenë”, u shpreh Lukashenko për agjencinë e lajmeve Belta.
