Ish-kryeministri Sali Berisha ka fituar sërish bindshëm sondazhin në përballjen me ish-kryetarin e PD-së.
Pyetjes së sondazhit se cilin prefereroni në krye të PD-së, qytetarët shkodranë, në pjesën dërrmuese të tyre zgjedhin Berishën si liderin e demokratëve, i cili do ti çojë sërish në fitore.
Më shumë shkodranë do e votonin Partinë Demokratike nëse kryetar i saj do të ishte Sali Berisha (34,9%) sesa po të ishte Lulzim Basha (12,8%).
Katër në pesë (80%) votues në Shkodër nuk do e votonin Partinë Demokratike nëse kryetar do të ishte Lulzim Basha.
Tre në pesë (59,3%) zgjedhës shkodranë nuk do e votonin Partinë Demokratike nëse në krye të saj do të ishte Sali Berisha.
Anketa e Barometrit tregoi se thuajse 70% e qytetarëve shkodranë që në zgjedhjet e fundit votuan Partinë Demokratike, do e votonin atë përsëri nëse kryetar do ishte Sali Berisha.
Një në katër (23,2%) votues të djathtë në Shkodër, do votonte Partinë Demokratike me në krye Lulzim Bashën.
Rezultatet e anketës së Barometrit në Euronews Albania, janë kryer nga MRB dhe Data Centrum në bashkinë Shkodër, në datat 12-18 shkurt me 1000 intervista ballë për ballë në familje.
