Këngëtari me famë botërore, Elton John ka përjetuar disa momente tmerri pasi avioni i tij privat pësoi një defekt në ajër dhe u desh që të bënte ulje emergjente në tokë.
Këngëtari britanik shpëtoi mrekullisht nga përplasja gjatë fluturimit nga Mbretëria e Bashkuar për në Nju Jork, ku do të shfaqej në “Madison Square Garden”. Daily Mail shkruan se erërat e forta që në atë kohë po frynin në zonë e vështirësuan shumë uljen e detyruar.
Ambulancat dhe zjarrfikësit ishin në gatishmëri në aeroportin Farnborough kur u tha se avioni që transportonte Elton John ishte në rrezik. Thuhet se pilotit iu desh të bënte tre përpjekje për të ulur avionin.
Pavarësisht tmerrit të përjetuar, ylli britanik mori një tjetër fluturim drejt Nju Jorkut për të vazhduar turnen e përcaktuar.
