Kryetari i Bashkisë së Tiranës Erion Veliaj, gjatë pjesëmarrjes në mbledhjen e sotme të Komisionit Hetimor për Inceneratorët,u shpreh se ish-kryebashkiaku i Kavajës, Isa Sakja, i zgjedhur nga PD, ka bërë më parë një shkresë ku jep pëlqimin për inceneratorin dhe merr përsipër çdo detyrim.
“Ai shkon edhe më tej, ku jo vetëm jep pëlqimin, por shpreh gatishmërinë për të plotësuar çdo nevojë dhe paguar çdo kosto me qëllim realizimin e kësaj kontrate’, tha Veliaj, duke lexuar më tej shkresën.
“Bashkia Kavajë ne përputhje me kontratën e Koncesionit date 31.08.2017, mes koncensionarit Integrated Energy BV SPV’ dhe Ministrise se Mjedisit ‘Për ndërtim Landfilli Inceneratori dhe rehabilitim i vend depozitimeve ekzistuese Tirane dhe prodhimin e energjisë elektrike’ në mënyrë te parevokueshme dhe pa kushte pranojmë dhe deklarojmë se bashkia Kavajë është vënë në dijeni dhe ka pranuar, ka kuptuar të gjitha te drejtat dhe detyrimet që dalin nga kontrata dhe anekset e saj për bashkine dhe sa me sipër:
Angazhohemi për të gjitha detyrimet qe rezultojnë si te tilla, për bashkine Kavaje, duke përfshire por pa u kufizuar ne kryerjen e te gjitha pagesave për depozitimin dhe përpunimin e mbetjeve, sipas çmimit 29 Euro per ton pa TVSHI dhe konform aneksit përkatës, përgjatë gjithë kohëzgjatjes se marrëveshjes, ose çdo çmimi te modifikuar, konform dispozitave të kontratës. Angazhohemi per te kryer të gjitha veprimet, dhe të permbushim te gjitha detyrimet, që rezultojnë nga kontrata, përfshire gjithashtu pa u kufizuar dhe asistencën ne procedurat e lidhura me ndërtimin dhe funksionimin e veprave (ashtu siç definohen ne kontrate), proceset e shpronësimit dhe angazhohemi të shmangemi nga çdo veprim qe shkon kundër dispozitave te kontratës, frymës se saj dhe anekseve te kontratës’, thuhej në shkresën e nxjerrë nga Veliaj.
Por duket se edhe ky qëndrim i Veliajt apo tentativë e tij për të implikuar në aferën e inceneratorëve ish-Kryebashkiakun Isa Sakja ka rezultuar mashtrim. Kjo për faktin se Sakja nuk ka kthyer përgjigje pa vendim të Këshillit Bashkiak, ndërsa ajo që citoi Veliaj ishte aneks kontrata, e cila detyronte Bashkitë e qarkut Tiranë të firmosnin, pasi Ministria e Mjedisit kishte lidhur kontratën e koncensionarin.
Dhe pikërisht këtu qëndron edhe mashtrimi i Veliajt, pasi ai në Komision pohoi se Sakja kishte kthyer përgjigje, ndërkohë që Kryebashkiaku i Tiranës kishte dhënë thjesht një dakordësi paraprake.
Dokumenti i mëposhtëm, që është edhe aneks kontrata, është e njëjta që lexoi Veliaj në Komision.
