Gjykata e Apelit në Tiranë kë dënuar me burgim të përjetshëm Vladimir Kurtin. Sipas hetimeve, ky i fundit së bashku me Ruzhdi Hodën vranë shitësin Agim Buçi në dyqanin e tij në Kamëz, disa vite më parë.
Apeli ka lënë në fuqi vendimin e shkallës së parë, duke dënuar përfundimisht dhe bashkëpunëtorin e tij Ruzhdi Hoda me 26 vite burg.
Ngjarja ka ndodhur në prill të vitit 2018. Sipas hetimeve, Vladimir Kurti ka nxjerrë pistoletën dhe ka qëlluar në drejtim të viktimës Agim Buci. Gjithashtu u plagos rëndë edhe bashkëshortja e tij, Rita Buci në tentativë për të larguar autorët e grabitjes. I pranishëm në biznesin e familjes Buci ishte edhe djali i mitur 6 vjeçar.
