Përfaqësuesi i Lartë i BE-së për Politikë të Jashtme, Josep Borrell, ka reaguar pasi Rusia njohu pavarësinë e Luhanskut dhe Donetskut, territore brenda Ukrainës.
Borrell ka paralajmëruar reagim nga BE-ja dhe partnerët e saj ndaj kësaj lëvizje të Rusisë që shkel hapur të drejtën ndërkombëtare. Ai ka shtuar se kjo cënon hapur Marrëveshjet e Minskut mes Rusisë dhe Ukrainës.
“Njohja e dy territoreve separatiste në Ukrainë është një shkelje e hapur e ligjit ndërkombëtar, integritetit territorial të Ukrainës dhe marrëveshjeve të Minskut”, ka thënë Borrell.
“BE-ja dhe partnerët e saj do të reagojnë me unitet, vendosmëri dhe në solidaritet me Ukrainën”, shtoi ai.
