Deputeti Edi Paloka ka thumbuar përmes një postimi në rrjetin social Lulzim Bashën dhe mbështetës të tij, të cilët në deklarata publike kanë cilësuar si të shkuar dhe llum ata që mbështetën lëvizjen e ish-Kryeministrit Sali Berisha, brenda Partisë Demokratike.
Duke kujtuar 20 shkurtin e 1991, ditë kur në Tiranë, mijëra qytetarë, rrëzuan bustin e diktatorit Enver Hoxha dhe e tërhoqën zvarrë në rrugët e kryeqytetit, për ta ngjitur më pas në “Qytetin Studenti”, atje ku zhvillohej greva e urisë së studentëve, Paloka shkruan “20 shkurt 1991, dita kur ne “llumi” i PD , “mbeturinat e komunizmit”, “ e shkuara”, pasi rikthyem pluralizmin në dhjetor të ‘90, rrëzuam dhe simbolet e fundit të diktatorit”.
