Lulzim Basha, nga selia e PD, atje ku foli mbi aferën e inceneratorëve, u shpreh i bindur se Komisioni Hetimor Parlamentar do të dalë me dy raporte.
“Nuk ka asnjë diskutim që do përfundojë me dy raporte. Ju mendoni se pala tjetër do pranojë se ministrat janë kapur duke vjedhur 430 milionë euro? As mos e bëni lajm madje, ja ku po ua them unë që ashtu do jetë, do ketë 2 raporte në fund të punës së komisionit.
I bëj thirrje Gledis Nanos, në bazë të ligjit, policia e shtetit nuk mund të mohojë ndaj komisionit të dhënat që na nevojiten. Ja bëj këtë kërkesë sepse e di se ndalimi i marrjes së të dhënave nga sistemi TIMS, nuk është bërë me urdhër të Gledis Nano por me urdhër politik. Ndaj Nanos i bëj thirrje që brenda ditës së hënë sa më afër pra të na paraqesë nëse këta ministra me pronarët e këtyre inceneratorëve kanë udhëtuar së bashku, sa herë dhe ku kanë udhëtuar”, tha Basha.
