Donald Veshaj shkoi deri në finalen e madhe të Big Brother Vip, por nuk arriti të shpallej fitues i çmimit të madh prej 100 mijë eurosh.
Por duket se Donaldi e ka një mision.
Në shenjë falenderimi për të gjithë ata që e kanë mbështetur, në një video të postuar në rrjetin social Instagram, ai shprehet se 100 mijë euro do i plotësojë nga xhepi i tij dhe me to do ndërtojë katër shtëpi, dy në Kosovë dhe dy në Shqipëri, për njerëzit në nevojë.
“Nuk e di si mund ti falënderoj të gjithë ata që më kanë mbështetur, kanë qenë realisht shumë. Nuk e di si t’jua shpreh mirënjohjen është ndjenjë fantastike. Asnjëherë unik e kam përjetuar ndjesinë e njerëzve që të mbështesin duke harxhuar lekët e tyre, eurot e tyre për të më dhënë mua një fitore që nuk e mora.
Unë vërtet nuk e mora çmimin e madh 100 mijë euro. Por unë kam vendosur që ato 100 mijë euro ti vendos nga vetja ime për të ndërtuar 4 shtëpi për njerëzit në nevojë, dy në Kosovë dhe dy në Shqipëri. 100 mijë euroshi do ta vendos nga vetja ime, sepse është më e pakta që unë mund të bëj për njerëzit që më kanë përkrahur.
Do kisha dëshirë të ftoja edhe fituesin, që i uroj fitoren, që të më bashkohet në këtë nismë për këtë komb që na ka mbështetur. Unë do ta bëj, kështu që nëse do edhe ti mund të vish me mua. Ju përshëndes të gjithëve dhe ju dua shumë”, tha Donaldi.
