Është mbyllur në barazim pa gola pjesa e parë mes Southampton dhe Everton, takim i vlefshëm për javën e 26-të të Premier League.
Ashtu siç pritej, Armando Broja e ka nisur ndeshjen si titullar ndërsa sa vjen e konfirmohet si lideri i sulmit të Southampton. Sulmuesi shqiptar ashtu siç ka bërë shumë herë këtë sezon u shfaq i rrezikshëm për kundërshtarët me rastin më të mirë që i përket minutës së 35-të.
Broja merr një top brenda zonës, teksa me një veprim të zgjuar nxjerr totalisht jashtë loje mbrojtësin duke i krijuar vetes hapësirën e nevojshme për të goditur drejt portës por që bllokohet nga Keane.
