Zgjedhjet e pjesshme vendore të 6 marsit do të monitorohen nga një delegacion i Kongresit të Autoriteteve Lokale të Këshillit të Europës.
Sipas një njoftimi të Këshillit të Europës, delegacioni do vizojë Shqipërinë, ku do të kryejë një mision monitorimi.
Delegacioni do kryesohet nga norvegjezja Gunn-Marit Helgesen.
Ata do të bëjnë disa takime në Tiranë.
Këshilli i Europës vendosi të mos monitoronte zgjedhjet monopartiake lokale të ’30 Qershorit’. Disa ditë përpara zgjedhjeve, drejtuesit e Kongresit të Autoriteteve Lokale thanë se nuk do dërgojnë delegacion vëzhgues në Shqipëri.
