Florian Muçaj, Komisioni i Prokurimit në Inceneratorin e Fierit, tha se nuk ka ndërmend të japë shpjegime në Komisionin Hetimor, pasi ka dhënë dëshmi në SPAK.
“Drejtohuni SPAK, kërkojini me shkrim që ata të konfirmojnë që unë mund të flas, dhe jam gati të dëshmoj, në të kundërt nuk flas”, tha Muçaj.
Ai pohoi se ishte thirrur nga SPAK me cilësinë e dëshmitarit, nuk ishte person në hetim, por nga SPAK i është kërkuar të mos flasë askund tjetër lidhur me çështjen.
Deklaratat e Muçajt shkaktuan debate në Komisionin Hetimor mes deputetëve socialistë dhe demokratë. Socialistët iu referuan Kodit Penal, i cili ndalonte dhënien e dëshmive, ndërsa demokratët insistuan të zhvillojnë seancën e pyetjes.
“Ne s´po i themi të tregojë apo cënojë dëshminë që ka dhënë në SPAK, thjesht do e pyesim dhe ai të vlerësojë vetë, mund të thotë nuk përgjigjem”, tha Jorida Tabaku.
