Lavdrim Fusha, i cili punon në kompaninë e Stela Gugalljas, ka audituar inceneratorin e Fierit. Kjo u pohua nga Kryetarja e Komisionit Hetimor për inceneratorët, ndërsa po jepte dëshminë e tij, administratori i inceneratorit të Fierit.
Ai pohoi se buxheti i vetëm i këtij inceneratori janë paratë e buxhetit të shtetit, ndërkohë që gjatë pandemisë është marrë edhe një kredi për pagat.
“Pse e keni marrë kredinë?”, e pyeti Tabaku, administratorin Loran Dusha, ndërsa ai u përgjigj “kredia u morr për pagat e punonjësve, ashtu e gjykova dhe e morrëm”.
Dusha tha se nuk ka fatura fiktive, duke iu përgjigjur pyetjes se pagesat që janë kryer për çfarë punimesh janë bërë.
“Nuk mbaj mend as ku i çojmë shkresat në Ministrinë e Infrastrukturës dhe Energjitikës, nuk e mbaj mend se kush është personi që kemi komunikuar”, tha ai.
Gjithashtu, Dusha tha se nuk mbante mend se çfarë punimesh ka kryer më parë kompania e tij, para se të merrte licencën lidhur me incenerimin.
“Se mbaj mend çfarë punimesh kemi bërë, nuk e di”, tha Dusha.
