Socialistët, anëtarë të Komisionit Hetimor të Inceneratorëve, nuk pranojnë të firmosin një kërkesë drejtuar Engjëll Agaçit, Sekretar i Përgjithshëm i Këshillit të Ministrave.
Pas një debati disa minutësh, kryetarja e Komisionit, deputetja Jorida Tabaku, tha se shkresën do e firmoste vetë, pasi sekretarja e Komisionit, deputetja Antoneta Dhima, nuk zbatonte ligjin.
Agaçit i kërkohet nga Komisioni ti vihen në dispozicion të gjitha dokumentet lidhur me praktikën e ndjekur për inceneratorët.
Tabaku tha se këto janë dokumente publike, të cilat duhet të vihen në dispozicion. “Po kërkojmë dokumentet zyrtare të miratuara në mbledhjet e Qeverisë, nuk po kërkojmë të dimë se ç´ju thotë Edi Rama kur ju thërret në takime”, ironizoi Tabaku, deputetët socialistë.
Në vijim, Tabaku tha se mbledhja e rradhës së Komisionit do të jetë ditën e hënë, ndërsa shtoi se do të respektohet afati 48 orësh për të njoftuar Arjola Kodrën, administratoren e Inceneratorit të Tiranës, dhe nëse ajo nuk paraqitet, do ti drejtohemi policisë.
