Lulzim Basha, gjatë seancës plenare, ka reaguar lidhur me Komisionin Hetimor të Inceneratorëve, ndërsa shprehet se përditë po zbulohen faktet dhe dëshmi se si ka ndodhur kjo vjedhje që është një skeme e strukturuar, e parmannduar dhe e mirëllogarittur për të vjedhur 430 milionë nga lekët e shqiptarëve.
Basha thekson se kjo skemë përfshin ministritë kryesore me në krye zyrën e kryeministrit.
“Komisioni po zbardh përditë se pse kryeministri nuk mund të lajë duart nga përgjegjësia duke ua hedhur fajin vetëm minsitrave, të cilët shumë shpejt do përballen me drejtësinë”, shprehet Basha.
Sipas tij, tashmë njerëzit e kuptojnë fare mirë se koka e këtij korrupsioni gjigand të qeverisë është në fakt koka e qeverisë, është Edi Rama.
“Komisioni po vërteton se asgjë nuk mund të ndodhë pa mbështetjen, nxitjem dhe miratimin e tij”, thekson ai.
Sipas Bashës, shqiptarët vazhdojnë të paguajnë për këtë aferë korruptive. “A ka mundësi që e gjitha kjo të ndodhë pa dijeninë e Edi Ramës, si ka mundësi që këto vendime janë marrë pa dijeninë e Ramës apo pas shpinës së tij”, tha Basha.
