Drejtoresha e komunikimit e Komisionit të Rithemelimit të PD, Floriana Garo, akuzon kryetarin e shkarkuar të PD, Lulzim Basha dhe kryeministrin Edi Rama se vazhdojnë të vjedhin bashkë.
Në një deklaratë për mediat, Garo shprehet se Basha braktisi dhe shiti betejat e opozitarizmit si dhe amnistoi me votë sistemin e drejtësisë të kapur dhe kontrolluar nga PS.
Gjithashtu, Floriana Garo shprehet se në 6 mars vota për koalicionin ‘Shtëpia e Lirisë’ do të shënojë fundin e opozitës së marrë peng.
Deklarata e Garos:
Lulit i ka dalë boja!
Për të justifikuar kartonat jeshilë pro katastrofës së reformës në drejtësi, Basha u rrek sot të gjente një alibi për faktin se: u ul me dëshirë në prehrin e Rilindjes, por beteja “sa për sy e faqe” me Edi Ramën, sapo ka filluar!
Lulzim Brava kërkon të shesë opozitarizmim fallco dhe betejat e njëpasnjëshme të braktisura dhe të shitura haptas me sloganin e hershëm të pengmarrësit të tij, Edi Ramës: “Fajin e ka Saliu”!
Lulzim Brava nuk mund t’u shpjegojë qytetarëve se ç’kuptim ka të tregosh me fakte vjedhjen, kur ti voton ne komisione të parlamentit marrjen e borxhit të ri prej 720 milionësh euro për t’u vjedhur dhe shpërdoruar nga narkoqeveria, apo e amniston me votë sistemin e drejtësie të kapur e kontrolluar nga banda e Rilindjes. Ndërkohë, në aktin final të votimit, ti bëhesh njësh me ta!
Ky është thjesht një teatër ku binomi Rama – Basha vazhdojnë të vjedhin bashkë duke vrarë shpresën e shqiptarëve për ndryshim.
Vota për Shtëpinë e Lirisë, në dt 6 Mars shënon fundin e një opozite të marrë peng. Shënon rizgjimin e shpresës dhe fillimin e ndryshimit!
