Deputeti i Partisë Demokratike, Tritan Shehu, në një reagim të tij në rrjetet sociale, shkruan se ndërsa Gjykata Kushtetuese e Italisë e rrëzoi vendosjen e çështjes së kanabisit në referendum, kryeministri Edi Rama kërkon nëpërmjet “Këshillimit Kombëtar” t’i hapë rrugën e legalizimit të kanabisit.
Sipas Shehut, kjo do të thotë t’iu hapë rrugën grupeve kriminale të kultivimit dhe trafiqeve.
“Shqipëria vazhdon të jetë e mbushur me kanabis, pra vepra kriminale është thelluar. Ndërsa qeveria kerkon të çojë drejt ‘legalizimin’ të grupeve përgjegjëse, pra drejt ‘legalizimit’ të kësaj vepre kriminale”, shkruan Shehu.
Postimi i plotë:
Gjykata Kushtetuese e Italise rrezon vendosjen e ceshtjes se kanabisit ne referendum!
Ndersa Rama kerkon nepermjet nje „Keshillimi“ te hape rrugen e „legalizimit“ te kanabisit, qe do te thote te grupeve kriminale te kultivimit e trafiqeve.
Gjykata Kushtetuese e Italise e quajti sot kanabisin nje „droge“ dhe si te tille e konsideroi te pa pajtueshme futjen e kesaj teme ne referendumin e ardheshem.
Ndersa ne Shqiperi, qe tashme eshte nje „Republike e Kanabisit“ me kultivimin e vitit 2021 sa dyfishi i atij te 2020 sipas „Guardia di Finanza“, kerkohet te mbrohen e „qytetarizohen“ autoret e kesaj vepre kriminale.
Degjoj shume qe akuzojne kete qeveri per kanabizimin e viteve 2015-16.
Ok shume mire bejne, megjithese me vonese tashti.
Dikur kur une shkruaja e publikoje per kete fenomen, vetem belbezonin.
Ndersa tashti shume pak po permendin te verteten aktuale tragjike:
–Shqiperia vazhdon te jete e mbushur me kanabis, pra vepra kriminale eshte thelluar. Ndersa qeveria kerkon te coje drejt „legalizimin“ te grupeve pergjegjese, pra drejt “legalizimit” te kesaj vepre kriminale, shume po heshtin.
Nje keshille per disa „opozitare“, merruni edhe me te tashmen!
